ماوە ماوە هەسارەی سوور بەشێكی زۆر كەمی نهێنییەكانی خۆی دەخاتە بەر كامێرای یەگجار وردبینی گالیسكەی (مارس ڕیكۆنسیانس ئۆربیتەر)، كامێرای ئەم گالیسكەیە توانی چەند شێوازێكی نامۆ دەستنیشان بكات كە لە ناخی رووەكەی هەڵكەندرابوو نەوەك بەرزتر بێت لەناوچەكانی دەوروبەریدا بەڕووبەری 1.2 مەتر دووجا بۆ خەر یەكێ لەو شێوازانە.
لە یەكێ لە وێنەكانی ئەم ناوچەیەدا لێدانی تیشكی خۆر بە ئاستی 15 خولەك لەسەر ئاستی رووی ئاسۆوە بەرزبۆتەوە و زۆر بە زەقی وردەكاریەكانی ئەم ناوچەیەی بەدیارخستبوو، زاناكان زوو ناویان نا (ئارانی فۆڕم) و ئەمەش مانای (جاڵجاڵۆكە) دەدات. ئەم ناوچەیەش دەكەوێتە نێو بازنەی جەمسەری بەستتوی باشووری مەریخ. لەكاتی هاتنی وەرزی زستان و نزمبوونەوەی زیاتری پلەی گەرمی،گازی دوانۆكسیدی كاربۆن خێرا چڕ دەبێتەوەو لەسەر شێوەی (بەفری ووشك) لەسەر رووی خاكیدا دەنیشێتەوەو لەكۆتاییدا دیمەنی جوانی (كیشوەری بەستووی باشووری مریخ) دا بەدیاردەكەوێت. لەبەر نزمیی پاڵەپەستۆی هەوا لەسەر مەریخدا، گازی دووانۆكسیدی كاربۆن لەدۆخی گازییەوە راستەوخۆ دەچێتە دۆخی رەقی (واتە دەبێتە سەهۆڵ. بەهاتنی وەرزی بەرهارو بەرزبوونەوەی پلەی گەرمی، ورە وردە پرۆسەكە بە هەڵگەڕاوەیی دەستیپێدەكات و ئەمجارەیان رووبەر سەهۆڵییە وشكەكە دەبێتەوە گاز و دەگەڕێتەوە چینە بەرزەكانی هەوا. ئالەو كاتەی سەهۆڵ لە نێو درزو كەلەبەرەكانی رووی خاكدا دەنیشێتەوە جۆرە پاڵەپەستۆیەك دەخاتە سەر چینی خاكی سەرووی خۆی و لەكاتی بەرزبوونەوەی پلەی گەرمیدا پاڵەستۆیەكە زیاتر دەبێ و ئەمجارەیان گازەكە بەدوای درز و كەلەبەردا دەگەڕێت بۆ دەرچوونی بەرەو هەوا. سەرەڕای ئەوەی ئەم دیاردەیە حاڵەتێكی زۆر ئاساییەو روو دەدات، بەڵام لەكاتی روودانیدا دیاردەو شێوازی زۆر سەیرو سەرنجڕاكێش جێدێڵن. سەبارەت بەو كەندە جالجاڵۆكیانە، ئەوا قوڵاییان دەگاتە نێوان 1 تا 2 مەتر.