دوابەدوای بەشداریكردنی بەرفراوانی (كۆمەڵەی ئارەزوومەندانی فەلەكناسی كوردستان) و دەستنیشانكردنی دكتۆر (رۆژگار حەمید عەلی) وەك (نوێنەری عێراق و كوردستان) لە چالاكییە ناوازەكانی (ساڵی فەلەكی جیهانیی 2009 IYA)، (رۆبەرت ولیامز) ی سەرۆكی (یەكێتی فەلەكناسی نێودەوڵەتی – International Astronomical Union) و (كاترین سیێرسكی) بەڕێوەبەری كۆمیتەی گروپی كار، بڕوانامەی ڕێزلێنانیان بەخشیە (ئەژی چەتۆحەسەن) ی سەرۆكی (كۆمەڵەی ئارەزوومەندانی فەلەكناسی كوردستان) لەبری سەرپەرشتی و رێكخستن و هەماهەنگی و ئەنجامدانی ئەو چالاكییانەی كە لە میانەی (ساڵی فەلەكی جیهانیی 2009 IYA) لە هەرێمی كوردستان بە تایبەتی و عێراق بە گشتی ئەنجام دران و تیایدا هاتووە:

ساڵی فەلەكی جیهانیی 2009
بڕوانامەی ڕێزلێنانی بەخشییە
(ئەژی چەتۆ حەسەن)
"سوپاس و ستایشی ئەو پابەندبوونە بەرچاوو دیارەی دەكات لە پێناو
سەرخستنی ساڵی فەلەكی جیهانی 2009IYA لە عێراقدا."

رۆبەرت ولیامز
سەرۆكی یەكێتی فەلەكناسی نێودەوڵەتی

كاترین سیێرسكی
بەڕێوەبەری ئۆفیسی كۆمیتەی گروپی كار
5 ی ئایاری 2010

هەر بۆ هەمان مەبەستیش بڕوانامەیەكی دیكەی تایبەتیان ئاڕاستەی دەستەی كارگێڕی و ئەندامانی (كۆمەڵەی ئارەزوومەندانی فەلەكناسی كوردستان) كردووە ئەمانەش بێگومان دەستكەوتی پڕ بەهان و هۆكارێكی بەرچاویش دەبێت لەسەر بەگوڕوتین كردنی زیاتری چالاكییەكانی كۆمەڵەی ئارەزوومەندانی فەلەكناسی كوردستان لە هەرێمی كوردستان و عێراقدا.