رێكەوتی 14-4-2010 ، كاتژمێر 4:30 تا 5:10 خولەكی ئێوارە و لە هەنگاوێكی كت و پڕدا،روانگەیەكی فەلەكی لە رێگای تەلەسكۆبی PST Coronado
ی تایبەت بە چالاكییەكانی رووی خۆرمان بۆ كۆمەڵێك قوتابی (دواناوەندی نموونەیی هەولێری كچان) مان ئەنجامدا دوای ئەوەی كەش و هەوا پاك بۆوە لە تەپ و تۆزو هەوردا. ئەم چالاكییە ناوازەیە بووە مایەی سەرنجڕاكێشانی دەیان قوتابی ئەم دواناوەندییە و زانیارییەكانیش دەربارەی خۆرو چالاكییەكانیش بووە جێگای سوپاس و پێزانینی تەواوی بەشداربووان و داوی بەرزكردنەوەی راپۆرتمان بۆ (رێكخراوی فەلەكناسانی بێ سنوور) ، یەكێ لە وێنەكانی گیراوی قوتابییەكانمان لەكاتی روانگەكردنیان بۆ خۆر لە رێگای تەلەسكۆبی PST Coronado بە (وێنەی ئەمڕۆی Global Astronomy Month -2010) هەڵبژێردراو لەسەر ڕووپەڕی ماڵپەڕی (رێكخراوی فەلەكناسانی بێ سنوور) دا بڵاوكرایەوە.وێنەكەش لە رێگای كاك (ئاسۆ رەزاق صالح) ی ئەندامی دەستەی كارگێڕی كۆمەڵەكەمانەوە گیرابوو.